آئی سی سی ٹی ٹونٹی ورلڈ کپ سپر 8، پاکستان تے انگلینڈ دی ٹیماں وچال میچ کل کھیڈیا ویسی

کینڈی۔ 23 فروری (اے پی پی) آئی سی سی مینز ٹی ٹونٹی ورلڈ کپ دے سپر ایٹ مرحلے اچ پاکستان تے انگلینڈ دی ٹیماں وچال میچ کل (منگل) کوں پالی کیلے انٹرنیشنل کرکٹ سٹیڈیم، سری لنکا اچ کھیڈیا ویسی۔ اے میچ مقامی ویلھے دے مطابق شام 7 وڄے شروع تھیسی ۔ انگلینڈ تے پاکستان وچال آئی سی سی مینز ٹی 20 ورلڈ کپ 2026 دے میچ اچ زبردست مقابلہ متوقع اے۔ انگلینڈ گروپ سی اچ آپݨی مضبوط فارم دے بعد ایں میچ اچ آپݨی طاقت دا امتحان ݙیسی، جڈانجو پاکستان نمیبیا دے خلاف شاندار فتح دے بعد آپݨی پراݨی مہارت ولا ݙکھائی اے۔ انگلینڈ کوں سیمی فائنل تئیں ون٘ڄݨ کیتے اے میچ جیتݨ لازمی اے، جڈانجو پاکستان آپݨی جیت دا سلسلہ برقرار رکھݨ دی کوشش کریسی ۔ پاکستان دی موجودہ فارم وی شاندار اے، تاریخی طور تے انگلینڈ پاکستان تے حاوی رہیے ۔ پاکستان ولوں صاحبزادہ فرحان 308 رنز دے نال شاندار فارم اچ ہن جڈانجو سلمان علی آغا جارحانہ بیٹنگ کیتے مشہور ہن ۔ کینڈی دے میدان اچ انگلینڈ کوں پاکستان دے سپنرز توں بچ تے رہݨاں ہوسی۔