پنجاب دے میدانی علاقیں اچ درجہ حرارت ودھݨ دا امکان اے، پراونشنل ڈیزاسٹر مینجمنٹ اتھارٹی

لاہور۔ 5 مارچ (اے پی پی) پراونشنل ڈیزاسٹر مینجمنٹ اتھارٹی صوبے بھر اچ گرمی دی شدت ودھݨ بارے الرٹ جاری کریندے آکھیے جو آوݨ آلے ݙینھاں اچ پنجاب دے میدانی علاقیں اچ درجہ حرارت ودھݨ دا امکان اے ۔ ترجمان موجب پنجاب دے میدانی علاقیں اچ معمول توں 6 توں 8 ڈگری تئیں درجہ حرارت اچ ودھارے جݙاں جو پنجاب دے شمالی علاقیں اچ کھمݨ گاجاں نال مینھ وسݨ دا وی امکان اے ۔ انھاں آکھیا جو 6 توں 7 مارچ دے دوران اُتلے علاقیں اچ مینھ وسݨ دی پیشگوئی اے جݙاں جو 9 توں 11 مارچ دے دوران وی شمالی علاقیں اچ مینھ دی توقع ظاہر کیتی ڳئی اے۔ درجہ حرارت اچ ودھارے پاروں فصلاں متاثر تھیوݨ دا وی امکان ظاہر کیتا ڳئے۔ کسان آپݨے سارے پیشگی اقدامات موسمی صورتحال کوں سامݨے رکھ تے کرن جݙاں جو سیاح شمالی علاقہ جات دے سفراچ احتیاط ورتن۔