وفاقی وزارتاں، ڈویژن تے محکمیں اچ ہک لکھ 8 ہزار 175 آسامیاں خالی ہن، وفاقی وزیر اسٹیبلشمنٹ ڈویژن

اسلام آباد۔ 5 مارچ (اے پی پی) وفاقی وزیر اسٹیبلشمنٹ ڈویژن قومی اسمبلی کوں ݙسائے جو وفاقی وزارتاں، ڈویژنز تے محکمیں اچ ہک لکھ 8 ہزار 175 آسامیاں خالی ہن۔ قومی اسمبلی اچ سوالاں دے وقفے دے دوران تحریری طور تے ایوان کوں ݙسایا ڳیا جو کارپوریشنز تے اتھارٹیز اچ ایں ویلھے ہک لکھ 72 ہزار 234 آسامیاں خالی ہن، گریڈ موجب خالی آسامیاں دے اعداد و شمار جمع کرݨ کیتے ویلھا درکار اے۔ قومی اسمبلی کوں ݙسایا ڳیا جو گزریل ݙو سالاں اچ 44 ہزار 314 آسامیاں ختم کیتیاں ڳیاں ہن۔ گزریل ݙو سالاں اچ سرپلس پول اچ ونڄݨ آلے 620 ملازمین کوں ایڈجسٹ کیتا ڳئے۔