اسلامیہ یونیورسٹی بہاولپور تے انسٹی ٹیوٹ آف اربن ایگریکلچر چائنیز اکیڈمی آف ایگریکلچرل سائنسز چائنہ وچال مفاہمت دی یادداشت تے دستخط

بہاولپور۔ 25 فروری (اے پی پی) اسلامیہ یونیورسٹی بہاولپور انسٹی ٹیوٹ آف اربن ایگریکلچر، چائنیز اکیڈمی آف ایگریکلچرل سائنسز، چائنہ دے نال مفاہمت دی یادداشت تے دستخط کیتے ۔ ایں معاہدے تے اسلامیہ یونیورسٹی بہاولپور ولوں شعبہ ایگریکلچرل ایکسٹنشن ایجوکیشن دے ڈاکٹر محمد شہزاد اتے انسٹی ٹیوٹ آف اربن ایگریکلچر، چائنیز اکیڈمی آف ایگریکلچرل سائنسز چینگڈو، چائنا ولوں پروفیسر ژانگ ڈیکوان ݙوہیں ملکاں وچال پائیدار زراعت اچ اسٹریٹجک تعاون کوں ودھاوݨ کیتے دستخط کیتے ۔ تعاون دے کلیدی شعبیاں اچ زرعی سائنس، پودیاں دی افزائش، باغبانی، سوائل سائنس، زرعی توسیع، فوڈ سائنس تے ٹیکنالوجی، ماحولیات، ماحولیاتی سائنسز تے انٹرکراپنگ تے توجہ ݙیوݨ دی سانجھی تحقیق تے پروجیکٹ دی پیشکشاں شامل ہن۔