اوپننگ بیٹر صاحبزادہ فرحان آئی سی سی مینز ٹی ٹوئنٹی ورلڈ کپ اچ تاریخ رقم کر ݙتی، ہکے ایڈیشن اچ ݙو سنچریاں بݨاوݨ آلے دنیا دے پہلے کھڈاری دا اعزاز حاصل

کینیڈی۔ 1 مارچ (اے پی پی) پاکستان دے اوپننگ بیٹر صاحبزادہ فرحان آئی سی سی مینز ٹی ٹوئنٹی ورلڈ کپ اچ تاریخ رقم کریندیں ہوئیں ہکے ایڈیشن اچ ݙو سنچریاں بݨاوݨ آلے دنیا دے پہلے کھڈاری دا اعزاز حاصل کر ڳھدا۔ سپر ایٹ مرحلے اچ سری لنکا دے خلاف کھیݙے ڳئے اہم میچ اچ صاحبزادہ فرحان شاندار بیٹنگ دا مظاہرہ کریندیں ہوئیں صرف 59 گینداں تے آپݨی سنچری مکمل کیتی۔ انھاں دی برق رفتار اننگز اچ 9 چوکے تے 5 فلک شگاف چھکے شامل ہن۔