حکومت ایران سودھے ٻاہرلے ملکاں اچ پھتسے شہریاں دی معاونت کیتے اقدامات کیتن، ترجمان دفترِ خارجہ طاہر حسین اندرابی

اسلام آباد۔ 5 مارچ (اے پی پی) ترجمان دفترِ خارجہ طاہر حسین اندرابی آکھیے جو خطے اچ تکھے بدلدی صورتحال دے پیشِ نظر حکومتِ پاکستان ایران توں پاکستانی شہریاں دے انخلاء کوں سوکھا بݨاوݨ تے ٻاہرلے ملک مختلف جہیں تے پتھے آپݨے شہریاں دی معاونت کیتے وقتی تے فعال اقدامات کیتن۔دفترِ خارجہ موجب پاکستانی شہریاں دے ایران توں انخلاء تے خطے دے ٻئے ملکاں اچ موجود پاکستانیاں دی سہولت سانڳے چاتے ڳئے اقدامات متعلق ذرائع ابلاغ دے سوال دے جواب اچ ترجمان آکھیا جو وزارتِ خارجہ دا کرائسز مینجمنٹ یونٹ چووی گھنٹے فعال اے تے صورتحال دی مسلسل نگرانی کریندے پاکستانی شہریاں کوں درکار معاونت کریندا پئے۔ انھاں آکھیے جو وزیراعظم دی ہدایات تے ٻاہرلے ملک پاکستانی سفارتی مشنز اچ سپیشل فسیلیٹیشن ڈیسک قائم کیتے ڳئن تاں جو پھتے پاکستانی شہریاں کوں ویزا سہولت، لاجسٹکس تے سفری انتظامات اچ مدد کیتی ونڄ سڳے۔ترجمان آکھیا جو ایندے علاوہ مشنز خصوصی موبائل ایپلی کیشنز، رجسٹریشن پورٹلز تے ہیلپ لائنز وی متعارف کرائن تاں جو پاکستانی شہریاں تئیں وقتی رسائی تے مدد ممکن بݨائی ونڄ سڳے۔ انھاں آکھیا جو پاکستان دے سفارتی مشنز میزبان حکومتاں دے نال نیڑے رابطے اچ ہن تاں جو پاکستانی کمیونٹی کوں ضروری قونصلر سہولتاں ݙتیاں ونڄ سڳن۔ طاہر حسین اندرابی آکھیا جو فضائی رابطیں دی جزوی بحالی دے بعد ٻاہرلے ملک پھتے پاکستانی شہری کمرشل پروازاں دے ذریعے آپݨی متعلقہ منزلاں تے واپسی شروع کرچکن۔ انھاں آکھیا جو حکومتِ پاکستان ٻاہرلے ملک رہݨ پاکستانیاں دی فلاح و بہبود دے تحفظ تے انھاں دی محفوظ تے وقتی یقینی بݨاوݨ کیتے مکمل طور تے پرعزم اے۔