سی پی او ملتان صادق علی ڈوگر دا شہر دے مختلف علاقیاں دا دورہ، سیکیورٹی انتظامات دا جائزہ

ملتان۔ 1 مارچ (اے پی پی) ملک دی اڄوکی سیکیورٹی صورتحال پاروں سٹی پولیس آفیسر ملتان صادق علی ڈوگر شہر دے مختلف علاقیاں، اہم شاہراہواں اتے حساس ڄہیں دا دورہ کیتا اتے اتھاں تعینات پولیس افسراں تے اہلکاراں دی ڈیوٹی تے سیکیورٹی انتظامات دا تفصیلی جائزہ ڳھدا۔ ایں موقع تے سی پی او ملتان ڈیوٹی تے موجود اہلکاراں کوں الرٹ رہݨ دی ہدایات جاری کریندیں ہوئیں آکھیا جو شہریاں دے جان تے مال دا تحفظ پولیس دی پہلی ذمہ داری اے، جیندے دی ادائیگی اچ کہیں قسم دی وسلائی برداشت نہ کیتی ویسی۔ انھاں افسراں کوں شہر اچ گشت دے نظام کوں ٻیا مؤثر بݨاوݨ تے مشکوک افراد تے سرگرمیاں تے کڑی نظر رکھݨ دا حکم ݙتا۔ انھاں شہریاں توں اپیل کیتی جو او امن دے قیام اچ پولیس دے نال تعاون کرن اتے کہیں وی مشکوک سرگرمی دی فوری اطلاع نیڑے دے پولیس اسٹیشن یا ہیلپ لائن 15 تے ݙیون۔