صدرِ مملکت آصف علی زرداری دا ایران دے سپریم لیڈر آیت اللہ سید علی خامنہ ای تے ایران دی اعلیٰ قیادت دے ٻئے ارکان دی شہادت تے افسوس

اسلام آباد۔ 1 مارچ (اے پی پی) صدرِ مملکت آصف علی زرداری ایران دے سپریم لیڈر آیت اللہ سید علی خامنہ ای تے انھاں دے رَلے ایران دی اعلیٰ قیادت دے ٻئے ارکان دی شہادت تے ݙکھ تے افسوس کیتے۔ صدرِ مملکت اسلامی جمہوریہ ایران دی حکومت تے عوام نال دلی تعزیت تے ہمدردی دا اظہار کیتا۔ ایوانِ صدر دے پریس ونگ توں جاری بیان دے مطابق صدر آکھیا جو پاکستان ایں ݙکھ دی گھڑی اچ ایرانی قوم دے نال کھڑے اتے انھاں دے ݙکھ اچ برابر دا شریک اے۔ انھاں آکھیا جو ایں قد و قامت دے رہنما تے ٻئی اعلیٰ شخصیات دا انتقال نہ صرف ایران بلکہ پوری مسلم دنیا اچ ݙکھ دا باعث بݨسی۔ صدر مرحومین دے درجات دی بلندی کیتے دعا کیتی اتے اللہ تعالیٰ توں دعا کیتی جو او ایران دی عوام کوں ایں اوکھے ویلھے صبرِ جمیل تے استقامت عطا فرماوے۔