صدرِ مملکت آصف علی زرداری دی بوسنیا تے ہرزیگوینا دے یومِ آزادی دے پرمسرت موقع تے مبارکباد

اسلام آباد۔ 1 مارچ (اے پی پی) صدرِ مملکت آصف علی زرداری بوسنیا تے ہرزیگوینا دے یومِ آزادی دے پرمسرت موقع تے پریذیڈنسی دے چیئرمین ڈاکٹر ڈینس بیکیرووچ تے بوسنیا تے ہرزیگوینا دی پریذیڈنسی دے ٻئے ݙو ارکان زیلجکو کومسک تے زیلجکا سیویجانوِچ کوں مبارکباد ݙتی اے۔ اتوار کوں ایوانِ صدر دے پریس ونگ دے مطابق صدرِ مملکت آپݨے تہنیتی خطوط اچ آکھیا جو پاکستان تے بوسنیا تے ہرزیگوینا وچال آپسی اعتماد، خیر سگالی تے مشترکہ ہم آہنگی تے مبنی قریبی تے تاریخی تعلقات قائم ہن۔ انھاں ایں یقین دا اظہار کیتا جو ݙوہیں ملکاں وچال دوستانہ تے ݙوپاسہ تعلقات آوݨ آلے سالاں اچ ٻئے گہرے تھیندے ویسن جیڑھے ݙوہیں ممالک دے عوام دے آپسی فائدے اچ تھیسن۔ صدرِ مملکت بوسنیا تے ہرزیگوینا دی قیادت دی چنگی صحت و تندرستی تے بوسنیا تے ہرزیگوینا دے عوام دی مسلسل ترقی تے خوشحالی کیتے آپݨی نیک خواہشات دا وی اظہار کیتا۔