صدر آصف علی زرداری دی کویتی قیادت کوں قومی ݙینھ تے ہالہ فروری تقریبات دے موقع تے مبارکباد

اسلام آباد۔ 25 فروری (اے پی پی) صدرِ مملکت آصف علی زرداری بدھ کوں کویت دے قومی ݙینھ تے ہالہ فروری دی تقریبات دے پرمسرت موقع تے امیرِ کویت شیخ مشعل الاحمد الجابر الصباح تے کویت دے برادر عوام کوں دلی مبارکباد پیش کریندیں ہوئیں انھاں کیتے نیک تمناواں دا اظہار کیتے ۔ بدھ کوں ایوانِ صدر دے پریس ونگ دے مطابق صدرِ مملکت آکھیا جو اے تقریبات امیرِ کویت دی دانشمندانہ قیادت اچ کویتی قوم دی استقامت، اتحاد تے مسلسل ترقی دی عکاس ہن ۔ صدرِ مملکت امیرِ کویت دے ناں آپݨے خط اچ پاکستان تے کویت وچال گہرے تاریخی تعلقات کوں اجاگر کریندیں ہوئیں آکھیا جو اے روابط آپسی اعتماد، مشترکہ اقدار تے علاقائی امن تے خوشحالی دے سانجھے عزم تے قائم ہن ۔ انھاں آکھیا اے جو ݙوہیں ملکاں وچال برادرانہ تعلقات تجارت، سرمایہ کاری، انفارمیشن ٹیکنالوجی، دفاعی تعاون تے عوامی سطح تے رابطیاں سودھے مختلف اہم شعبیاں اچ مسلسل ودھدے پئن۔ صدرِ مملکت امیرِ کویت دی صحت تے تندرستی، کویتی عوام دی مسلسل خوشحالی تے پاکستان تے کویت وچال برادرانہ تعلقات دی پائیدار مضبوطی کیتے نیک تمناواں دا اظہار کیتا۔