قومی اسمبلی اچ کارروائی تے طریقہ کار دے قواعد اچ کجھ ترامیم دی منظوری

اسلام آباد۔ 5 مارچ (اے پی پی) قومی اسمبلی ”قومی اسمبلی اچ کارروائی و طریقہ کار دے قواعد“ اچ کجھ ترامیم دی منظوری ݙے ݙتی۔ قومی اسمبلی دے اجلاس اچ پاکستان پیپلز پارٹی دے سید نوید قمر ایں حوالے نال ترامیم پیش کرݨ دی اجازت منڳی ، اجازت ملݨ تے انھاں قومی اسمبلی اچ کارروائی و طریقہ کار دے قواعد 2007 اچ قاعدہ 13، قاعدہ 187، قاعدہ 201 تے قاعدہ 293 دے ذیلی قاعدہ چار اچ ترامیم پیش کیتیاں جیندی وزیرِ پارلیمانی امور ڈاکٹر طارق فضل چوہدری مخالفت کائنی کیتی۔ ایوان قواعد اچ ترامیم دی منظوری ݙے ݙتی جݙاں جو عالیہ کامران دی طرفوں قاعدہ 293 دے ذیلی قاعدہ چار اچ ترامیم دا معاملہ متعلقہ قائمہ کمیٹی دے حوالے کر ݙتا ڳیا۔