مظفرگڑھ، یونیورسٹی آف مظفرگڑھ کیتے 567 کنال اراضی مختص تھیوݨ دا نوٹیفکیشن جاری، پارلیمانی سیکرٹری

مظفرگڑھ۔ 01 مارچ (اے پی پی) پارلیمانی سیکرٹری ہائر ایجوکیشن تے ممبر صوبائی اسمبلی اجمل خان چانڈیہ دی کوششاں نال یونیورسٹی آف مظفرگڑھ کیتے مختص زمین دی باقاعدہ منظوری دا نوٹیفکیشن جاری کر ݙتا ڳئے، ایں موقع تے میڈیا نال ڳالھ مہاڑ کریندیں ہوئیں اجمل خان چانڈیہ دا آکھݨ ہئی جو مظفرگڑھ آچ یونیورسٹی دورِ حاضر دی اشد ضرورت اے۔ سیاست اچ آوݨ دا وݙا مقصد مظفرگڑھ کیتے یونیورسٹی ڳھنݨ ہئی۔ حلف چیندیں ای یونیورسٹی کیتے جہدوجہد تیز کر ݙتی۔ سابق وزیراعظم میاں نواز شریف، وزیراعظم میاں شہباز شریف، وزیراعلیٰ پنجاب مریم نواز شریف، وفاقی وزیر چوہدری احسن اقبال تے وزیرِ تعلیم پنجاب رانا سکندر حیات خان دا شکریہ ادا کرینداں جنھاں دی وجہ توں اہلیانِ مظفرگڑھ دا وݙا مطالبہ پورا تھیندا پئے۔ یونیورسٹی دی باقاعدہ منظوری دے بعد زمین دا مختص تھیوݨ وݙی کامیابی اے۔ یونیورسٹی دا چارٹر جلد پنجاب اسمبلی اچ پیش کیتا ویسی۔ یونیورسٹی آف مظفرگڑھ ہائر ایجوکیشن کمیشن پاکستان تے ہائر ایجوکیشن ڈیپارٹمنٹ پنجاب دی سانجھ نال بݨائی ویسی۔ یونیورسٹی آف مظفرگڑھ سول سوسائٹی، انجمن تاجران، وکلاء، طلباء تمام لوکاں دی محنت تے کوششاں دا نتیجہ اے۔ یونیورسٹی کیتے انڈس بائی پاس موضع رکھ خانپور اچ 567 کنال مختص کیتی ڳئی اے۔