وسیب دیاں خبراں
ملتان، کرنٹ لگݨ نال 20 سالہ نینگرجانبحق تھی ڳیا
ملتان۔ 25 فروری (اے پی پی) ملتان اچ کرنٹ لگݨ نال 20 سالہ نینگر جاں بحق تھی ڳیا ۔ ریسکیو 1122 دے مطابق افسوسناک حادثہ منگل دے ڈینہہ پراݨی کچہری اچ تھیا جتھاں زیرِ تعمیر سرکاری عمارت اچ مزدوری کرݨ آلا 20 سالہ نینگر مجاہد ولد سجاد سیمنٹ تے بجری مکس کرݨ آلی مشین توں کرنٹ لگݨ پاروں موقعے تے جاں بحق تھی ڳیا ۔ حادثے دی اطلاع ملݨ تے ریسکیو 1122 تے متعلقہ پولیس ٹیم فوراً موقعے تے پڄ تے امدادی تے ضروری قانونی کارروائی دے بعد لاش کوں نشتر ہسپتال منتقل کر ݙتا۔
