نائب وزیراعظم اتے وزیرِ خارجہ سینیٹر محمد اسحاق ڈار او آئی سی ایگزیکٹو کمیٹی دے غیر معمولی وزارتی اجلاس اچ شرکت کریسن

اسلام آباد۔ 25 فروری(اے پی پی) نائب وزیراعظم تے وزیرِ خارجہ سینیٹر محمد اسحاق ڈار 26 توں 28 فروری تک سعودی عرب دا دورہ کریسن جتھاں او اسلامی تعاون تنظیم (او آئی سی) دی ایگزیکٹو کمیٹی دے غیر معمولی وزارتی اجلاس اچ شرکت کریسن۔ دفترِ خارجہ دے مطابق وزارتی اجلاس 26 فروری دی رات جدہ اچ تھیسی۔ اجلاس اسرائیلی قابض حکام دے انھاں غیر قانونی فیسلیاں تے غور کرݨ کیتے سݙیا ڳئے جیندے نال غیر قانونی یہودی بستیاں دی توسیع، الحاق دی پالیسی کوں اڳوں ودھاوݨ تے مقبوضہ مغربی کنارے تے اسرائیلی تسلط قائم کرݨ اے۔ اجلاس اچ نائب وزیراعظم مقبوضہ مغربی کنارے دے کجھ علاقیاں کوں نام نہاد "سٹیٹ لینڈ" اچ بدلݨ دے اسرائیلی اقدامات تے پاکستان دا موقف پیش کریسن۔ وزارتی اجلاس دے موقع تے نائب وزیراعظم او آئی سی دے رکن ملکاں دے وزرائے خارجہ نال ڈوطرفہ ملاقاتاں وی کریسن۔ نائب وزیراعظم سینیٹر محمد اسحاق ڈار سعودی عرب اچ قیام دے دوران مقدس شہراں دا مختصر دورہ وی کریسن۔