وزارتِ خارجہ بدلدی ہوئی علاقائی صورتحال پاروں ضروری رہنمائی تے معاونت کیتے کرائسز مینجمنٹ یونٹ فعال کر ݙتا

اسلام آباد۔ 1 مارچ (اے پی پی) وزارتِ خارجہ بدلدی ہوئی علاقائی صورتحال پاروں ضروری رہنمائی تے معاونت کیتے کرائسز مینجمنٹ یونٹ (سی ایم یو) فعال کر ݙتے۔ اتوار کوں دفترِ خارجہ توں جاری بیان دے مطابق اے کرائسز مینجمنٹ یونٹ (سی ایم یو) چووی گھنٹے فعال رہسی جتھ معلومات یا ہنگامی معاونت کیتے فون نمبر 9207887-51-92+ تے رابطہ کیتا ونج سڳدے۔ دفترِ خارجہ خلیج اچ رہݨ آلے سارے پاکستانی شہریاں کوں ہدایت کیتی اے جو او انتہائی احتیاط ورتیندیں ہوئیں جتنی حد تئیں تھی سڳے گھراں اچ رہن، غیر ضروری سفر توں گریز کرن، تے میزبان حکومتاں ولوں جاری کردہ ہدایات تے سختی نال عمل کرن۔ ایں دوران بیرونِ ملک پاکستانی شہریاں دی سہولت کیتے متعلقہ سفارت خانیاں تے قونصل خانوں توں ہنگامی رابطے کیتے کجھ نمبر وی فراہم کر ݙتے ڳئن۔