وزیراعظم شہبازشریف تے انڈونیشیائی صدر پرابوو سوبیانتو دا یلیفونک رابطہ، مشرقِ وسطیٰ دے بحران اچ فریقین تے ودھ توں ودھ تحمل کرݨ تے زور

اسلام آباد۔ 5 مارچ (اے پی پی) پاکستان تے انڈونیشیا مشرقِ وسطیٰ اچ ودھدے ہوئے بحران تے تشویش کریندے سارے فریقین تے ودھ توں ودھ تحمل دا مظاہرہ کرݨ تے زور ݙیوݨ کیتے رل تے کم کرݨ تے اتفاق کیتے۔وزیرِاعظم دفتر دے میڈیا ونگ توں جاری بیان موجب وزیراعظم پاکستان تے انڈونیشیا دے صدر پرابوو سوبیانتو وچال ٹیلیفون تے رابطہ تھیا۔ ݙوہیں رہنماواں مشرقِ وسطیٰ اچ ودھدے ہوئے بحران تے تشویش دا اظہار کیتا۔ وزیرِاعظم ایران تے اسرائیل دے حملیں دے نال نال ٻئے برادرخلیجی ملکاں تے بعد اچ تھیوݨ آلے افسوسناک حملیں دی شدید مذمت کیتی۔ انھاں انڈونیشیا دے صدر کوں بحران دے تناظر اچ سارے خلیجی ملکاں دے نال پاکستان دی سفارتی رابطے دی کوششاں دا ݙسایا۔ݙوہائیں رہنماواں سارے فریقین تے ودھ توں ودھ تحمل دا مظاہرہ کرݨ تے زور ݙیوݨ کیتے رل تے کم کرݨ تے اتفاق کیتا جݙاں جو سارے معاملات کوں تعمیری ڳالھ مہاڑ تے سفارت کاری دے ذریعے حل کرݨ کیتے مخلصانہ تے سنجیدہ اقدامات تے زور ݙتا۔ ٹیلیفون کال دے دوران وزیراعظم صدر پرابوو سوبیانتو کوں افغانستان دے حوالے نال اڄوکی پیشرفت دا وی ݙسایا ۔ ݙوہیں رہنماواں آوݨ آلے ݙینھاں اچ نیڑے رابطے اچ رہݨ تے اتفاق کیتا۔