وزیراعظم شہباز شریف اڄ توں شیخ تمیم بن حمد الثانی دی دعوت تے قطر دا ݙو ݙینھ دا سرکاری دورہ کریسن، دفترِ خارجہ

اسلام آباد۔ 23 فروری (اے پی پی) وزیراعظم محمد شہباز شریف اڄ 23 فروری توں قطر دے امیر شیخ تمیم بن حمد الثانی دی دعوت تے قطر دا ݙو ݙینھ دا سرکاری دورہ کریسن ۔ سنوار کوں دفترِ خارجہ توں جاری بیان دے مطابق وزیراعظم محمد شہباز شریف دے نال نائب وزیراعظم تے وزیرِ خارجہ سینیٹر محمد اسحاق ڈار، ٻئے وفاقی وزراء تے اعلیٰ حکام وی ہوسن ۔ اے دورہ ݙوہیں ملکاں دے درمیان گہرے برادرانہ تعلقات دا ثبوت اے اتے مختلف شعبیاں اچ تعاون کوں ٻیا مضبوط بݨاوݨ دے سانجھے عزم کوں ظاہر کریندے ۔ دوحہ اچ قیام دے دوران وزیراعظم شیخ تمیم بن حمد الثانی نال ملاقات کریسن جیندے اچ سیاسی رابطے، معاشی تعاون، توانائی شراکت داری تے عوامی سطح تے رابطیاں سمیت ݙوپاسہ تعلقات دے سارے پہلوواں تے گالھ مہاڑ تھیسی ۔ ݙوہیں پاسوں تجارت، سرمایہ کاری، توانائی، بنیادی ڈھانچے دی ترقی تے افرادی قوت دی برآمد دے شعبیاں اچ تعاون دے نویں موقع وی تلاش کیتے ویسن ۔ اے دورہ ݙوہیں قیادتاں کوں علاقائی تے عالمی معاملیاں تے گالھ مہاڑ دا موقع فراہم کریسی۔