وزیراعظم شہباز شریف دی صدارت کیش لیس اکانومی دے فروغ بارے جائزہ اجلاس، ڈیجیٹل ادائیگیاں دے نظام دے اہداف دے معینہ مدت اچ حصول کوں یقینی بݨاوݨ دی ہدایت

اسلام آباد۔ 3 مارچ (اے پی پی) وزیراعظم محمد شہباز شریف ڈیجیٹل ادائیگیاں دے نظام دے اہداف دے معینہ مدت اچ حصول کوں یقینی بݨاوݨ دی ہدایت کیتی اے۔ وزیراعظم آفس توں جاری بیان دے مطابق وزیراعظم محمد شہباز شریف دی صدارت کیش لیس اکانومی دے فروغ بارے جائزہ اجلاس منگل کوں تھیا۔ اجلاس اچ وفاقی وزراء محمد اورنگزیب، احد خان چیمہ، عطا اللہ تارڑ، شزہ فاطمہ خواجہ، علی پرویز ملک، وزیرِ مملکت بلال اظہر کیانی، گورنر سٹیٹ بینک جمیل احمد، صوبائی چیف سیکرٹریز تے متعلقہ اعلیٰ حکام شرکت کیتی۔ اجلاس اچ وزیراعظم وفاقی تے صوبائی حکومتاں ولوں تنخواہیں، پنشنز تے وینڈرز کوں ادائیگیاں "راست" دے ڈیجیٹل ادائیگی دے نظام تے منتقل کرݨ تے معاشی ٹیم تے سٹیٹ بینک دی تعریف کیتی اتے جولائی 2025 توں جنوری 2026 تئیں وفاقی تے صوبائی حکومتاں ولوں راست دے ذریعے 1.6 ٹریلین دی ادائیگیاں کرݨ تے وزارتِ خزانہ دی ٹیم دی کارکردگی کوں سراہیا۔ انھاں وزیراعظم رمضان ریلیف پیکیج دے تحت ہݨ تئیں 71 فیصد مستحق افراد تئیں امدادی رقوم دی فراہمی تے بے نظیر انکم سپورٹ پروگرام (بی آئی ایس پی) دی ٹیم دی وی تعریف کیتی۔ اجلاس کوں ݙسایا گیا جو گزریل سال مستحقین کوں رقوم دی فراہمی رمضان دے 12ویں ݙینہہ تئیں 24 فیصد ہئی جݙاں جو ایں سال وزیراعظم دی خصوصی ہدایت تے بروقت اقدامات نال اے 71 فیصد دی حد عبور کرڳئی اے۔ وزیراعظم ڈیجیٹل ادائیگیاں دے نظام دے اہداف دے معینہ مدت اچ حصول کوں یقینی بݨاوݨ دی ہدایت کیتی۔ اجلاس کوں ݙسایا گیا جو ڈیجیٹل بینکنگ توں فائدہ گھݨ آلے افراد دی تعداد 127 ملین توں ودھ ڳئی اے۔ ایں موقع تے وزیراعظم ہدایت کیتی جو سارے سرکاری ادارے شہریاں کوں سہولیات دی فراہمی دے حوالے نال سارے بلز تے کیو آر (QR) کوڈ فراہم کرن۔ اجلاس کوں وزارتِ خزانہ، سٹیٹ بینک، بی آئی ایس پی، وزارتِ انفارمیشن ٹیکنالوجی اتے متعلقہ اداریاں ملک اچ ڈیجیٹل ادائیگیاں دے حوالے نال اقدامات توں آگاہ کیتا۔