وزیراعظم شہباز شریف ݙو ݙینھ دا دورۂ قطر مکمل کر تے وطن واپس پڄ ڳئن

اسلام آباد۔ 25 فروری (اے پی پی) وزیراعظم محمد شہباز شریف ݙو ڈینہہ دا دورۂ قطر مکمل کر تے وطن واپس پڄ ڳئن۔ دورے دے دوران انھاں قطر دے امیر شیخ تمیم بن حمد الثانی تے قطر دے وزیراعظم تے وزیرِ خارجہ شیخ محمد بن عبدالرحمن بن جاسم الثانی نال ملاقاتاں کیتی۔ نائب وزیراعظم اسحاق ڈار، چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر، وفاقی وزیرِ اطلاعات تے نشریات عطاء اللہ تارڑ اتے وزیراعظم دے معاون خصوصی طارق فاطمی وی ملاقاتاں اچ موجود ہن ۔ وزیراعظم قطر دے نائب وزیراعظم تے وزیرِ مملکت برائے دفاعی امور شیخ سعود بن عبدالرحمن بن حسن بن علی الثانی نال وی ملاقات کیتی جڈانجو قطر بزنس مین ایسوسی ایشن (کیو بی اے) دا وفد وزیراعظم نال ملیا جیندی قیادت ایسوسی ایشن دے چیئرمین شیخ فیصل بن قاسم الثانی کیتی ۔ وطن روانگی توں پہلے دوحہ دے کنگ حمد بین الاقوامی ہوائی اݙے تے قطر دے ممبر کونسل آف منسٹرز سلطان بن سعد بن سلطان المریخی، قطر اچ تعینات پاکستان دے سفیر محمد عامر تے سفارتی عملے وزیراعظم کوں رخصت کیتا۔