وزیراعظم محمد شہباز شریف دا ایران دے سپریم لیڈر آیت اللہ سید علی خامنہ ای دی شہادت تے ایرانی عوام نال ݙکھ تے افسوس

اسلام آباد۔ 1 مارچ (اے پی پی) وزیراعظم محمد شہباز شریف ایران دے سپریم لیڈر آیت اللہ سید علی خامنہ ای دی شہادت تے ایرانی عوام نال ݙکھ تے افسوس کیتے۔ اتوار کوں سماجی رابطے دی ویب سائٹ ایکس (ٹویٹر) تے ہک پوسٹ اچ وزیراعظم آکھیا جو حکومتِ پاکستان تے پاکستان دے عوام غم و الم دی ایں گھڑی اچ ایرانی عوام دے نال کھڑن اتے آیت اللہ سید علی خامنہ ای دی شہادت تے دلی تعزیت دا اظہار کریندن۔ انھاں آکھیا جو پاکستان بین الاقوامی قانون دے اصولاں دی خلاف ورزی تے وی تشویش دا اظہار کریندے، اے قدیم روایت اے جو سربراہانِ مملکت تے حکومت کوں نشانہ کائنی بݨایا ویندا۔ انھاں آکھیا جو اساں آیت اللہ سید علی خامنہ ای دی مغفرت کیتے دعا گو ہیسے، اللہ تعالیٰ ایرانی عوام کوں ایں ناقابلِ تلافی نقصان کوں برداشت کرݨ کیتے صبر تے ہمت عطا فرماوے۔