وزیراعظم محمد شہباز شریف دا پشین اچ بھارتی حمایت یافتہ فتنہ الخوارج دے 4 دہشت گرداں کوں ہلاک کرݨ تے سکیورٹی فورسز کوں خراجِ تحسین

اسلام آباد۔ 23 فروری (اے پی پی) وزیراعظم محمد شہباز شریف بلوچستان دے ضلع پشین اچ بھارتی حمایت یافتہ فتنہ الخوارج دے 4 دہشت گرداں کوں ہلاک کرݨ تے سکیورٹی فورسز کوں خراجِ تحسین پیش کیتے۔ سنوار کوں پی ایم آفس دے میڈیا ونگ توں جاری بیان دے مطابق وزیراعظم محمد شہباز شریف آکھیا جو عزم تے استحکام دے وژن دے تحت سکیورٹی فورسز دہشت گردی دے خلاف وݙی کامیابیاں حاصل کریندی پئن، پوری قوم دہشت گردی دے خلاف ایں جنگ اچ افواجِ پاکستان دے نال کھڑی اے۔ وزیراعظم محمد شہباز شریف آکھیا جو اساں ملک توں ہر قسم دی دہشت گردی دے مکمل خاتمے کیتے پرعزم ہیسے۔