وزیرِ اعظم شہباز شریف نال جماعتِ اسلامی دے وفد دی ملاقات، افغانستان، ایران تے مشرقِ وسطیٰ تے خلیج دے حالات تے بریفنگ

اسلام آباد۔ 5 مارچ (اے پی پی) وزیرِ اعظم محمد شہباز شریف نال جماعتِ اسلامی دے وفد ملاقات کیتی جیندے اچ انھاں جماعتِ اسلامی دے وفد کوں افغانستان، خلیج، مشرقِ وسطیٰ تے ایران دے حوالے نال صورتحال تے پاکستان دی سفارتی کوششاں تے اقدامات تے اعتماد اچ ڳھدا۔ وزیرِ اعظم آفس دے میڈیا ونگ توں خمیس کوں جاری بیان دے مطابق وزیراعظم محمد شہباز شریف نال امیر جماعتِ اسلامی حافظ نعیم الرحمن دی قیادت اچ ملاقات کرݨ آلے وفد اچ لیاقت بلوچ، میاں محمد اسلم تے آصف لقمان قاضی شامل ہن۔ امیر جماعتِ اسلامی کوں افغانستان، ایران تے مشرقِ وسطیٰ تے خلیج دے اڄوکے حالات تے اِن کیمرہ بریفنگ ݙتی ڳئی۔ وفد کوں پاکستان دی سفارتی کوششاں تے اقدامات تے اعتماد اچ گھدا ڳیا۔ ایندے علاوہ ایران تے خلیجی ملکاں اچ پاکستانی سفارتخانیاں ولوں پاکستانیاں دی سہولت کیتے اقدامات تے وی آگاہی ݙتی ڳئی۔ ملاقات اچ نائب وزیرِ اعظم تے وزیرِ خارجہ سینیٹر محمد اسحاق ڈار، وفاقی وزراء اعظم نذیر تارڑ، احسن اقبال، عطا اللہ تارڑ، رانا مبشر اقبال، مشیر وزیرِ اعظم رانا ثناء اللہ تے وزیرِ مملکت طلال چوہدری وی موجود ہن۔