وزیرِ اعظم محمد شہباز شریف دی صدارت علاقائی تے پاکستان دی سکیورٹی صورتحال دا جائزہ گھنݨ کیتے اعلیٰ سطح دا اجلاس

اسلام آباد۔ 1 مارچ (اے پی پی) وزیرِ اعظم محمد شہباز شریف دی صدارت علاقائی تے پاکستان دی سکیورٹی صورتحال دا جائزہ گھنݨ کیتے اعلیٰ سطح دا اجلاس اتوار کوں د تھیا جئیں اچ نائب وزیر اعظم تے وزیر خارجہ سینیٹر محمد اسحاق ڈار، چیف آف آرمی اسٹاف تے چیف آف ڈیفینس فورسز فیلڈ مارشل سید عاصم منیر، وفاقی وزراء احسن اقبال، محسن نقوی، اعظم نذیر تارڑ، احد خان چیمہ، عطا اللہ تارڑ، علی پرویز ملک، معاون خصوصی طارق فاطمی تے اعلیٰ سول تے عسکری حکام شرکت کیتی۔ وزیراعظم آفس دے میڈیا ونگ توں جاری بیان دے مطابق اجلاس اچ علاقائی تے خطے دی صورتحال دا تفصیلی جائزہ ڳھدا ڳیا۔ اجلاس اچ پاکستان دے خطے اچ امن دے قیام کیتے کردار تے مختلف اقدامات تے غور کیتا ڳئیا۔ اجلاس اچ افغانستان دی صورتحال دا وی بغور جائزہ ڳھدا ڳیا۔ اجلاس اچ ملک دی داخلی صورتحال تے سکیورٹی انتظامات تے وی بریفنگ ݙتی ڳئی۔ وزیراعظم دی ہدایت تے پاکستانی شہریاں دے ایران توں انخلا دے اقدامات دا وی جائزہ ڳھدا ڳیا اتے انھاں دی بحفاظت واپسی کیتے دفترِ خارجہ تفصیلی بریفنگ ݙتی جئیں اچ ݙسایا گیا جو آذربائیجان دے ذریعے پاکستانی شہریاں دے ایران توں انخلا کوں ممکن بݨایا ویندا پئے۔