پاکستان آپݨے مذہبی تے ثقافتی تنوع تے فخر کریندے، ہندو برادری ایں سال ہولی دا تہوار سادگی تے احتیاط دے نال مناوے، صدرِ مملکت آصف علی زرداری

اسلام آباد۔ 1 مارچ (اے پی پی) صدرِ مملکت آصف علی زرداری ہندو برادری تے زور ݙتا جو پاکستان دی مغربی سرحد تے جاری صورتحال تے وسیع تر علاقائی کشیدگی دے پاروں ایں سال ہولی دا تہوار سادگی تے احتیاط دے نال مناون۔ صدرِ مملکت آکھیا جو پاکستان آپݨے مذہبی تے ثقافتی تنوع تے فخر کریندے جڈانجو موجودہ حالات اعتدال تے غور و فکر دا تقاضا کریندن۔ انھاں اپیل کیتی جو سکیورٹی ماحول تے قومی یکجہتی دی لوڑھ کوں ݙیکھدیں ہوئیں عوامی تقریبات تے وݙے اجتماعات کوں محدود رکھیا ونڄے۔ ایوانِ صدر دے پریس ونگ توں جاری بیان دے مطابق ہندو برادری کوں ہولی دے موقع تے نیک تمناواں دا اظہار کریندیں ہوئیں صدرِ مملکت امید کیتی جو اے تہوار امن، آپسی افہام و تفہیم تے قومی یکجہتی دے جذبے دے نال منایا ویسی۔