کنٹری پارٹنر شپ فریم ورک تے مؤثر عملدرآمد ضروری اے

کنٹری پارٹنر شپ فریم ورک تے مؤثر عملدرآمد ضروری اے، پالیسی سازی تے منصوبیاں تے عملدرآمد اچ ہم آہنگی کیتے وفاق تے صوبیاں وچال مضبوط رابطہ ضروری اے، وزیرِ خزانہ محمد اورنگزیب دی عالمی بینک دی کنٹری ڈائریکٹر نال ملاقات اچ ڳالھ مہاڑ
اسلام آباد۔ 25 فروری (اے پی پی) وفاقی وزیرِ خزانہ تے محصولات محمد اورنگزیب آبادی دے نظم تے نسق تے موسمیاتی تبدیلی سویں شعبیاں اچ عالمی بینک دے کنٹری پارٹنر شپ فریم ورک تے مؤثر عملدرآمد دی اہمیت تے زور ݙیندیں ہوئیں آکھیا جو پالیسی سازی تے منصوبیاں تے عملدرآمد اچ ہم آہنگی کیتے وفاق تے صوبیاں وچال مضبوط رابطہ ضروری اے۔ انھاں اے گالھ بدھ کوں اتھاں پاکستان اچ عالمی بینک دی کنٹری ڈائریکٹر بولورما آماگابازار نال ملاقات اچ آکھی ۔ ملاقات اچ عالمی بینک دے کنٹری پارٹنرشپ فریم ورک دے تحت تعاون کوں ٻیا مضبوط بݨاوݨ تے حکومتِ پاکستان دی اہم اصلاحاتی ترجیحات کوں اڳوں ودھاوݨ تے ڳالھ کیتی ڳئی ۔ عالمی بینک دی کنٹری ڈائریکٹر وفاقی تے صوبائی شراکت داراں دے نال قریبی تعاون جاری رکھݨ تے معلومات دے تبادلے کوں ٻیا بہتر بݨاوݨ دا عزم کیتا ۔ ملاقات اچ زرعی شعبے اچ ترقی دا جائزہ وی گھدا ڳیا ۔ وزیرِ خزانہ عالمی بینک دے تعاون کوں سراہیندے ہوئیں ایں عزم دا اعادہ کیتا جو حکومت ڈھانچہ جاتی اصلاحات کوں اڳوں ودھاوݨ، گورننس دے نظام کوں بہتر بݨاوݨ تے ترقیاتی پروگراماں دے ثمرات عوام تئیں مؤثر تے پائیدار انداز اچ پڄاوݨ کیتے پرعزم اے ۔