پیپلز پارٹی ملکی تعمیر تے ترقی کیتے اہم فیصلیاں اچ حکومت دا ہر قدم تے ساتھ ݙتے، وزیراعظم محمد شہباز شریف

اسلام آباد۔ 3 مارچ (اے پی پی) وزیراعظم محمد شہباز شریف پاکستان پیپلز پارٹی کوں حکومت دی اہم اتحادی جماعت قرار ݙیندیں ہوئیں آکھیا جو ملکی تعمیر تے ترقی کیتے اہم فیصلوں اچ پیپلز پارٹی حکومت دا ہر قدم تے ساتھ ݙتے۔ وزیراعظم آفس دے میڈیا ونگ توں جاری بیان دے مطابق وزیراعظم اے ڳالھیں پاکستان پیپلز پارٹی پارلیمنٹیرینز دے وفد نال ڳالھ مہاڑ کریندیں ہوئیں آکھی جنہاں منگل کوں اتھاں انھاں نال ملاقات کیتی۔ نائب وزیراعظم تے وزیر خارجہ سینیٹر محمد اسحاق ڈار، وفاقی وزرا احسن اقبال، اعظم نذیر تارڑ تے وزیراعظم دے مشیر رانا ثناء اللہ وی ملاقات اچ موجود ہن جݙاں جو پیپلز پارٹی دے وفد اچ سینیٹر شیری رحمن، راجہ پرویز اشرف، سید نوید قمر تے اعجاز جاکھرانی شامل ہن۔ وزیراعظم وفد نال ڳالھ مہاڑ کریندیں ہوئیں پاکستان پیپلز پارٹی دا حکومت دی اہم اتحادی جماعت ہووݨ تے شکریہ ادا کیتا۔ اجلاس اچ اڄوکی ملکی سیاسی صورتحال تے مشاورت تھئی۔ ایندے علاوہ خطے دی صورتحال تے وی ڳالھ کیتی۔